Gure gurasoek beti egin izan dute lan baserrian eta guk lagundu egiten genien. Duela 3 urte erreleboa hartu genuen, inbertsioak egin genituen eta nekazaritza ekologikoa egiten hasi ginen.

Arrazoi asko daude: geure lanaren jabe izateko; naturarekin harremanetan lan egiteko; tokiko ekonomia garatzeko; planetaren ingurumen, gizarte eta ekonomia jasangarritasunaren alde egiteko.

Familia proiektua da. Ez dugu soldatapeko langilerik.

Valentinak proiektuan baino ez du lan egiten, eta Igorrek beste lan osagarri bat du. Proiektua sendotu nahi dugu, lanpostu gehiago sortzeko.

Dendetan eta azoketan saltzen dugu eta baita partikularrei ere.

Produktu guztiek dute ziurtagiri ekologikoa, eztiak izan ezik. Hala ere, eztiaren ekoizpena erabat naturala da.

Lehenengo urtean, ekoiztutako guztia saltzea kosta zitzaigun, baina orain dena saltzea lortzen dugu; izan ere, ekoizpena saltzen diren produktuetara bideratzen dugu.

Gure kasuan, administrazioaren laguntza ekonomikoa oso garrantzitsua izan da. Hala ere, sekula ez da nahikoa; izan ere, lehenengo urteetan inbertsio asko egin behar dira.

Iaz hasi ginen BioAlairekin lanean. Valentina Gasteizkoa da eta proiektuaren berri zuen.

Ez daukagu kexarik. Lantaldea hurbila eta atsegina da, eta gure proiektuak eta haienak balio berak dituzte. Gure asmoa da, hemendik denbora batera, landatu ditugun fruta-arbolen ekoizpena saltzea. BioAlain salgai ditugun produktuen eskaintza zabaldu nahiko genuke.

Ezin dugu ezer ziurtzat jo, koronabirusak eragindako krisiak erakutsi digun moduan. Argi dago gizakiok ezin dugula natura eta pertsonak suntsitzen jarraitu. Irtenbide bakarra nekazaritza ekologikoaren alde egitea da. Beraz, etorkizunak gure balioak izan behar ditu; bestela, planeta honek ez du etorkizunik.